ஒரு சந்தோஷம், ஒரு சந்தேகம்

முதலில் மகிழ்ச்சி --> விரல் போன்ற பதிவு எழுதிய நான் அனுப்பிய comment ஒருவர் பதிவாக மாற்றியுள்ளார் - பெரிய விழா எடுத்து கொண்டாட போகிறேன் - நன்றி கார்த்திக்

இதுவரை பதிவையோ பதிலையோ காணதவர் இங்கே சுட்டவும் / அமுக்கவும் / ஏதாவது செய்ஞ்சு உடனே பாருங்கோஓஒ

http://meekmetaphors.blogspot.com/

http://meekmetaphors.blogspot.com/2009/06/blog-post_03.html#comments

இப்போ சந்தேகம்

சுப்பிரமணிய புஜங்கம் படித்து கொண்டு இருந்தேன் - கிட்டத்தட்ட கடைசி வரும்போது எதற்காக ஆட்டுக்கு (chaga) நமஸ்காரம் என்று சங்கரர் சொல்கிறார் ? இந்த பதத்திற்கு வேறு ஏதாவது பொருள் இருக்குமோ ?

Nama kekine sakthaye chaapi thubhyam,
Nama chaga thubhyam, nama kukkudaya,
Nama sindhave sindhu desaya thubhyam,
Nama skanda murthe, punasthe namosthu

ஐயா யாரவது சற்று விளக்கம் சொன்னால் எனக்கு இருக்கும் சிறு அறிவுக்கூடு வெடிக்காமல் இருக்கும் - please அக்கம் பக்கம் கேட்டாவது சொல்லுங்களேன்
நன்றி

Motherhood - தாய்மை

திருவானைக்காவலுக்கு அருகில் பிறந்ததாலோ என்னவோ எனக்கு - தாய், கடவுளை விட பெரிய வரமாய் தோன்றும்

மனதில் பதிந்த வரலாறு - திரு ஆனைக்கா வில் யானையும் சிலந்தியும் அடுத்த பிறவியில் அரசர்களாய் பிறந்தனவாம்

சிலந்தி தான் செங்கணான் - கோ செங்கணான் ஆக பிறந்தான் - அதனால்தான் அவன் கட்டிய எல்லா சிவ ஆலயங்களும் யானை ஏற இயலா வண்ணம் இருந்ததாம்

செங்கணான் தாய் - ராணி கமலவதி தில்லை ஈசனை அனுதினமும் மன்றாடி வேண்டி ஆண் மகவு ஈன்றாள் - ராஜா சுபதேவரின் அரண்மனை ஜோசியர் சொன்ன நேரம் மகன் பிறந்தால் உலகாளுவான், சைவ தொண்டு நிலைத்து நிற்க செய்வான் என்று இருப்பதால் - வலியெடுத்த கமலவதி - காலில் கயிறு கட்டி தலைகீழாக தொங்கினாள் -முகூர்த்த நேரம் வந்ததும் கீழ் இறக்கி வைத்து மறைந்தாள்.

அதே போல் கோச்செங்கனான் உலகாண்டான்

இதோ இக்கால தாயும் ஈனும் மகவுக்கு பிணி வராமல் காக்க என்ன என்ன துறக்கிறாள்

தேறுதல்

வழக்கம்போல் ஞாயிறு மதியம் library போய் மூழ்கி முத்து எடுத்து கிளம்பும்போது மனையாளிடம் தொலைபேசினேன்

என்னடீ சமையல் இன்னக்கீ?

காங்கிரஸ் கறி ;

PMK சாம்பார் ;

ஜனதா ரசம்

ADMK கூட்டு

BJP வத்த குழம்பு

DMDK salad

கம் யு னிஸ்ட் பாயசம்

சீக்கிரம் வாங்க - வத்த குழம்பு சுண்டிடும் போல இருக்கு அடுப்ப பாக்கணும்

போனை வைத்து விட்டாள்

எனக்கு தலை சுத்தியது

இன்னும் ஒரு மொடக்கு குளிர்ந்த நீரை குடித்தேன்

மீண்டும் நூலக வாசிப்பறையில் சென்று அமர்ந்தேன்

ஒரு வேளை - ச்சே ச்சே அப்பிடி எல்லாம் இருக்க கூடாது

ஒரு வாரமாகவே எங்கள் வீட்டில் எலெக்ஷன் பேச்சே தொனிக்கிறது

ஊர் விட்டு ஊர் ( கண்டம் விட்டு கண்டம் ? ) வந்தாலும் postal vote எப்படி போடலாம் - அதற்கு என்ன ஜெராக்ஸ் வைத்தால் தேர்வாணையர் ஒப்பு கொள்வார் என்று அதையே பேசிய வண்ணம் இருந்தாள்

இதுதான் அவளுக்கு மூன்றாம் எலெக்ஷன் - (வோட்டு போட)

வோட்டு போடாவிட்டால் ஏழு ஜென்ம பாபம் துரத்தும் என்பது போலும், எப்போதோ அவள் ஊர் அருகில் நடந்த பஞ்சாயத்து எலெக்ஷனில் இரண்டு வேட்பாளர்களும் சம வோட்டு வாங்கியதால் சீட்டு குலுக்கி தேர்ந்து எடுத்ததும், அவள் பெரிய தாத்தா அவளிடம் கதை சொல்லி postal vote முக்கியத்துவத்தை பசுமரத்தாணி போல் பதித்து பர லோகம் போய் சேர்ந்தார்

தன் கடமையை செய்ய முடியாமல் போனால் பழி விழுமே என்று தூக்கத்தில் கூட வோட்டு வோட்டு என்று புலம்பியபடி இருந்தாள் - சரி - எலெக்ஷன் முடிந்ததும் சரியாகிவிடும் என்று நானும் அப்படியே விட்டு விட்டேன்

இங்கு ஸ்டாம்ப் விலை ஏறுவதால் $௨௦க்கு ஸ்டாம்ப் வாங்கி வைத்து இருந்தேன்

அத்தனையும் நேற்று எலெக்ஷன் கமிஷனர் அலுவலகத்துக்கு லெட்டர் எடுத்து செல்ல உபயோகப்பட்டது என்று சொன்னபோதும் சரி நாமும் நல்ல வாக்காளராக இருக்க வழி சொல்கிறாளே என்று சும்மா இருந்து விட்டேன்

தினமும் அவள் நிவாரண யோகா க்ளாசுக்கு போய் வருவது வழக்கம் - யாரோ கொபெர்டன் கலேலி சொல்லி தருகிறாராம் - அந்த அம்மாவுக்கு 60 வயசுக்கு மேல் இருக்கும்

நேற்று திடீரென உச்சி பொழுதில் குடை எடுக்காமல் கிட்டத்தட்ட கம்பளி போன்ற புடவையில் வாக்கிங் போகிறேன் என்றால் - என்னடி இது கோலம் என்றதற்கு -

அதெல்லாம் யோகா - உங்களுக்கு தெரியாது - வெய்யில் சுட சுட வேர்க்க வேர்க்க நடந்தால் உடல் கொழுப்பு வழிந்து ஓடும் - சூரியனே கொழுப்புக்கு எதிரி

நீங்களும் வரீங்களா

ச்சே ச்ச எனக்கு இதில் எல்லாம் உடன்பாடு இல்லை - ஆப்பகாரிகிட்ட மாவு வாங்கறமாதிரி ஜெர்மன் காரிக்கிட்ட போய் கத்துகறதா - என்னமோ செய்

நேற்று இரவு அவளது ஓயாத இ மெயிலுக்கு தேர்தல் தொடர்பு அலுவலகம் - இனி இதுபோல் spam அனுப்பினால் தக்க நடவடிக்கை என்று மட்டும் பதில் வந்தது

இன்று நான் இந்தபக்கம் நூலகம் வந்ததும் அவளும் ஞாயிறு போற்ற வெய்யிலில் நடந்திருப்பாள் - வோட்டு போட முடியலையே என்ற கவலை வேறு

எல்லாம் சேர்ந்து ஒரு வேளை - ச்சே ச்சே

எதற்கும் விரைந்து வீட்டுக்கு செல்லலாம் என்று

கார் சாவி எடுத்து முடிக்கினேன் - வரும் வழியில் பால் மலிவாக கிடைக்கிறதே என்று நிறுத்தி வாங்கி, அருகில் இருந்த பாப் காரன் microwaveable என்று பார்த்தவுடன் அதையும் வாங்கி அள்ளி போட்டுகொண்டு வீடு வந்து பார்த்தால் மூக்கை துளைக்கும் மணம்

என்னடீ என்ன பண்ற ? எல்லாம் ஆச்சா? என்றபடியே அவள் முகத்தை பார்த்தால் -

ஏய் - என்ன ஆச்சு - என்ன இது முகமெல்லாம் கருப்பு படிஞ்சு போய் - என்ன பண்ணினே

ஒரு தீஞ்ச வாசம் இப்போதான் தெரியுது

இன்னைக்கும் வாக்கிங் போனியா?

ஆமாம் - அதுல செத்த முகம் கருத்து போச்சு

என்ன சமையல்னு கேட்டப்போ எதோ உளறிநியே

ஒ அதுவா

காங்கிரஸ் கறி ; அதாவது carrot, முட்டை கோஸு, பீன்ஸ் கறி - பச்ச வெள்ளை சேப்பு

PMK சாம்பார் ; அதாவது மாம்பழ சாம்பார்

ஜனதா ரசம் அதாவது கொட்டு ரசம் - மலிவு ரசம்

ADMK கூட்டு பீட்ரூட், பெரிய கத்தரி ஓவன்ல பொசுக்கி சேத்து இருக்கேன் தேங்காய் தக்காளி கூட்டு - கருப்பு வெள்ளை சேப்பு

BJP வத்த குழம்பு - பச்ச மொளகாய் வத்த குழம்பு - பச்ச சேப்பு

DMDK ஸலட் அதாவது வெள்ளரி, jalepeno pepper, (yellow) banana pepper, tomato, lettuce

மஞ்சள் கருப்பு சேப்பு தீப்பந்தம் (மொளகா)

இதெல்லாம் சரி - அதென்ன கம்யுனிஸ்ட் பாயசம்? என்ன அருவா சுத்தி எல்லாம் வெச்சு சாப்பிடனுமோ?

ச்சே ச்சே அப்பிடி இல்லை - "ஜவ்வு" அரிசி பாயசம் - கப்பில வரும் ஆனா வராது - அதான் தோழர்களின் பாயசம்

ஆங் ! சொல்ல மறந்துட்டேனே - நம்ம வோட்டு எல்லாம் போட இங்க கான்சுலேட் ஜெனரலுக்கு எழுதி போட்டா போதுமாம் - சொன்னாங்க

சரி வாங்க சாப்பிடலாம் - ரொம்ப பசிக்குது

ஆமாம் எனக்கும்தான் என்றபடி தட்டுடன் அமர்ந்தேன்

விரல்

இந்த அஞ்சு விரலும் அஞ்சு மாதிரி யோ(அம்பது மாதிரியோ?)  

சுண்டு விரல் எனக்கு நினைவு தெரிஞ்சு ஒரே ஒரு தரம் கல்யாணத்துல மட்டும் use ஆச்சு - இதுவரைக்கும் ஒரு முறைகூட கல்யாணம் ஆகாதவங்க / புரியாதவங்க / replyto: வச்சு இ-மெயில் எழுதுனா பதிலும் முடிஞ்சா கல்யாண சி டி பதிப்பும் அனுப்பி வைக்கப்படும் ( அப்புறம் எப்பிடிதான் அந்த சி டி யை தள்ளி விடறது?)  

எதுனால இதை போய் "சுண்டும்" விரல் ன்னு சொன்னாங்கன்னு தெரியில - இந்த ஒரு விரலால்தான் ஸூண்ட முடியலன்னு சொல்லிட்டாங்களோ  

அடுத்து வருவது மோதிர விரல், ரெண்டும் கெட்டான் அப்பிடீங்கறது இந்த விரலுக்குதான் பொருந்தும். பெருசும் இல்ல, சின்னதாவும் இல்ல - அதனால தானோ என்னவோ பெரியவங்களே இத ஒரு அழகு பொருளா வச்சிட்டாங்க - வெறும் மோதிரம் மாட்டுற ஸ்டாண்டு மாதிரி - முக்கியமா மோதிரம் அடி படாது - பத்திரமா இருக்கும், அதான் இந்த விரல் தனியா எதுவும் செய்யவே முடியாதே  

அண்ணன் நடு விரலார் 

அடுத்து வர்றார் - ஆண்டவன் படைப்பில ஒரு சிறு தவறு - UAT bug - ஒரு வினோதம் - பேரு என்னமோ பாம்பு விரல் - ஆனா இந்த விரலாலே தனியா நெளிய முடியாது - கூட அக்கம் பக்கம் விரல்களும் சேந்து ஆடும்

அதுவாவது பரவா இல்ல; ரொம்ப பெரிய விரலா இருக்கே - இத தனியா தூக்கி காமிக்கலாம் அப்பிடின்னு நெனைச்சா அதுக்கு மேல ஆபத்தா இருக்கு சரி - இத மடக்கி வச்சுக்கலாம் அப்பிடின்ன அது தன்கூட மிச்ச விரலையும் கீழ இழுக்குது  

அடுத்து வருவது ஆள் காட்டி விரல் - பேர் ஒன்றே போதும் - இது என்ன வேலைக்கு லாயக்குன்னு - சின்ன வயசுல ஸ்கூல்ல யார் பேசினாங்கன்னு காமிக்க ஆரமிச்சு, ரகசியமா காலேஜுல போட்டு குடுக்கறதுல இருந்து இந்த விரல் நிச்சயம் நரகத்துக்குதான் போகும்னு நினைக்கிற அளவுக்கு பாவமான விரல்  

கட்டை விரல் - இதுவும் என்னமோ தனக்குதா எல்லாம் அப்பிடிங்கிற மாதிரி மிச்ச விரல விட்டு ஒதுங்கி தனியா நிக்கிது - அதுலயும் எல்லா விரலும் வடக்க பாத்தா இது மட்டும் கொஞ்சம் ஒருகளிச்சு வடமேற்கு பாக்க வேண்டியது - அத ஒழுங்கா நிக்க கூட முடியிலென்ன அப்புறம் எதுக்குதான் ஒத்துமையா இருக்கும்? அதான் இந்த விரல் ரேகை அழியாதுன்னு இத பத்திரத்துல வாங்கி வெச்சுட்டாங்க - இதுலே வேற இந்த விரல் தனிய நிக்கிறப்ப தலை மட்டும் தனியா வானத்த பாத்து வளையும் - தலை கணம் அப்பிடிங்கறது இதுதான் போல  

என்னடா இந்த கையே வேஸ்ட் அப்பிடின்னு நினைக்க வெச்சாலும் (எந்த அரசியல் உள்நோக்கமும் இல்லை no pun intended) விரல் மட்டும் இல்லன்னா எந்த படைப்புமே இல்ல - கூர்ந்து கவனிச்சா, வியத்தகு செயல்கள் செய்ய ஒன்னோட ஒன்னு இணைந்து செயல் பட்டா மட்டுமே முடியும்னு தெரியுது. (மீண்டும் ஒருமுறை மேல் அடைப்புகுறி வாக்கியத்தை படிக்கவும் - எந்த அரசியல் ...)

கிட்டத்தட்ட இந்த மாதிரித்தான் கருத்து கணிப்புக்கள் சீரிய முறைநோக்கு இல்லாமல் உள்நோக்குடன் உழற்றுகின்றன - அது அரசியல், எகனாமிகள், வேலை என்று எங்கே சென்றாலும் உள் இருத்தி உரைகள் நிறைய உள்ளன  

என்னதான் கை முன்னோக்கி மட்டுமே நகர்ந்தாலும் விரல்கள் பின்னோக்கி நகர்வதால் முழு பயன் பெற முடியுதுன்னு சொல்லி இந்த உரையை இத்துடன் முடித்து விடை பெறுகிறேன் - நன்றி வணக்கம்

வயளூர் கிழவன்

செவ்வாய் கிழமை:

நான் வழக்கம் போல் காலேஜ் செல்ல bus பிடித்து சீட்டில் அமர்ந்தேன்.

எனக்கு அடுத்து அமர்ந்தவர், "தம்பி, நான் ஊருக்கு புதுசு, வயலூர் வந்தா சொல்லுங்க " என்றார் - 

"சார், கவலையே படாதீங்க, இந்த பஸ் கடைசி ஸ்டாப் அதுதான் - என்னோட காலேஜ் ரொம்ப முன்னாடி வந்துடும் , நீங்க கோவிலுக்கு போறீங்களா? " என்று சொன்னேன்.

"இல்ல, இப்பதான் கோவிலில் இருந்து வர்றேன், கிழவன் சுப்பனை பாக்க போறேன் "

எனக்கு வியப்பாக இருந்தது, சற்று கோபமாகவும் இருந்தது, முருகு என்றாலே அழகு, முருகன் இளைஞன், அவனை கிழவன் என்று சொல்ல என்ன தைரியம் - ஆனால் - அவரை பார்ப்பதற்கு நல்ல படித்த தோற்றம், கையில் அங்கில புத்தகம். ஆர்வம் உந்த மீண்டும் அவரை கேட்டேன். 

"என்ன சார், ஒன்னும் புரியலியே "

"அதுவா, நான் கோவில்னு சொன்னது ஸ்ரீ ரங்கத்தை தான் - அதுதான் பெரிய கோவில் - பாக்க போறது வயலூர் வள்ளலை" என்றார். 

"அப்புறம் என் கிழவன்னு சொன்னீங்க?, முருகனை இதுக்கு முன்ன பாத்து இருக்கீங்களா? -அழகுன்னா அது என்னன்னு தெரியுமா ? தமிழ் மணக்கும் தரணியின் தலைவன் அவன் "

"சரி தம்பி, கோவிக்காதீங்க, நான் ஒன்னும் தப்பா சொல்லலியே, அது இருக்கட்டும், வயலூர் பத்தி உங்களுக்கு என்ன தெரியும்னு சொல்லுங்க, காதார கேட்போம்"

எனக்கு இன்னும் அவர் மீது அவ்வளவு நம்பிக்கை இல்லை என்றாலும், வயளூரை  விவரிக்கலாம் என்று நினைத்தேன். எப்படியும் இன்றும் கூட்ஸ் வரும், எங்கள் பஸ் அப்போதுதான் ராமகிருஷ்ணா தியேட்டர் திருப்பம் வந்தது. "சார், வயலூர், முருகனின் பெரிய க்ஷேத்த்ரம். இங்கதான் அருணகிரி திருப்புகழ் ஆரமிச்சார் தெரியுமா? அதனால்தான் விநாயகர் துதி - "கைத்தல நிறைகனி" - இங்க இருக்கற பொய்யா கணபதி கிட்ட தான் பாடினார். இது 15 ம் நூற்றாண்டு.

இன்னும் முன்ன பாத்தீங்கன்னா, என் அய்யன் நிருத்த நாயகன் நடராஜன் இரண்டு கால்களும் நிறுத்திய தலம். மயில் தேவனையிடம் பேசும் மயில் பேசும் தலம். ஷக்திவேல் இருத்தி நீராழி கண்ட தலம். செழிப்பான நெற்கதிர்கள் நடுவே வயலை ஊராக கொண்டு இருக்கிறான் - போதுமா, இல்ல வன்னி மர வரலாறில் இருந்து ஆரமிக்கவா? என்னையும் மிச்ச பசங்க மாதிரி நினைக்காதீங்க, திருச்சி சுத்தி இருக்கற அனைத்து கோயில் சிறப்பும் தெரிஞ்சவன் " என்று சொல்லி இளைப்பாறினேன் - 

கூட்ஸ் வண்டி சென்று விட்டது, இனி ரயில் கேட் ஏத்தி இரு வழிகளிலும் பஸ் செல்ல வேண்டும் - அதற்குள் சைக்கிள், பைக், ஆட்டோ ஒன்றுகொன்று படை வீரர்கள் மோதுவது போல் இரண்டு புறமும் தாக்குதல் நடத்தி கொண்டு இருந்தார்கள்

"எல்லாம் சரி தம்பி, ஆனா இன்னும் ஒன்னு சேத்து சொல்லவா, இந்த ஒரு இடத்தில் தான் குமரன் "இறங்கி" இருக்கிறான் - பக்கத்துல இவ்ளோ பெரிய மலை இருந்தும் வயல்ல போய் பதுங்கிட்டான் பாத்தியளா ? 

அதுல பாருங்க, எங்க குருநாதன் சொல்லியபடி, வயலூர் தான் முருகனுக்கு முதல் வீடு - இந்த ஆறுபடை வீட்டுக்கெல்லாம் பல தலைமுறைகள் பழசு.

வயலூரிலே குருபரன் குடி கொண்டப்போ ஈசன் தில்லை நடம் புரியல - தில்லை அப்போ வனமாகத்தான் இருந்தது. காளி பொறக்கல -- அதனால்தான் இங்க ரெண்டு காலும் ஊனி நிக்கான்

அந்த மயிலு, சூரன் இல்ல, தேவேந்திரன் - அதான் தன் மகள் பக்கம், தேவானை பக்கம் திரும்பி இருக்கான். அதாவது சூர ஸம்ஹரம் நடக்க இல்ல

நாரதர்  மாம்பழம் கொண்டு வந்து ஈசன் கையில் குடுக்கல - அதனால  பழனி மலை உருவாகலை - வெறும்  கரடாத்தான் இருந்தது -

அப்போ இந்த மலை, மலைகோட்டை பொறக்க கூட இல்ல இதையெல்லாம் கருத்தில் வைத்துதான் வயலூரில் இருந்து பாட சொல்லி அருணகிரிக்கு கட்டளை போட்டான் சுப்பன் - அதுல கூட, "முத்தை" ன்னு ஆரம்பிச்சு ஒரு பாட்டு படிச்சவுடன் மௌனம் காக்க சொல்லிட்டான் -

அண்ணாமலையில் இருந்து அணை போட்டு அடுத்த வரிகளை எல்லாம் வயலூர் வரை தடுத்து, நிரப்பி விட்டான், அதுல தான் "கைத்தலம்" அப்பிடின்னு ஆரம்பிக்க வலு கிடைச்சுது

சூசகமா, ஐயா உன்கையை பிடிக்கும் பாக்கியம் கொடுத்தியே!.. கை கொடுத்து தூக்கி விட்டியே அப்படின்னு அருணகிரி சொல்ரரோன்னு நெனைக்க வைக்குது இப்ப சொல்லுங்க, இவ்வளவு பழைய குடியை கிழவன்னு சொல்லாமே குமாரண்ணா சொல்ல முடியும்? அதிலும் பாருங்க, தமிழ்ல மட்டும் தான் கிழவன்னா தலைவனும் பொருள் - என்ன நான் சொல்றது - இருந்தாலும் உங்க வயசுக்கு இவ்வளவு தெரிஞ்சு இருக்கறதே பெரிசுதான்

இப்போது ஒரு மாதிரி வெட்கமாகவும், வெளிச்சமாகவும் இருந்தது - "ரொம்ப நன்றி சார்"

"கவலை வேண்டாம் தம்பி - வேலன் அருள் உனக்கு உண்டு "

ஆமா சார் அருனகிரிக்கே அருள் பண்ண ஆண்டவன் நமக்கும் பண்ணுவான்

தம்பி, அருணகிரி பத்தி இப்போ எல்லாரும் அவதூறு கிளப்புறாங்க - வான வெளியில இருக்கற நக்ஷத்ர மண்டலத்த இங்க இருந்தே கணிக்கறவனும் இருக்கான், ராக்கேட் ஏறி போய் பார்க்கரவனும் இருக்கான்.

சிட்டு குருவி அதோட குட்டி குருவிக்கு பறக்க சொல்லி தரும்போது தத்தி தத்தி காமிக்கும் - அதுக்கு பறக்க தெரியாம இல்ல - குஞ்சுக்கு புரியணும்னு தத்தி தாவி தடதடத்து தாங்கி தரையை விட்டு தவ்வி பறக்கும்

அது மாதிரி அருணகிரி இருந்த காலத்துல, சந்தத்துல முதல்ல மயக்கி, சிந்தனையிலே புகுந்து சிவமயம் காட்ட ஒரு வழியா இதை பயன்படுத்தி இருக்கார்னுதான் எனக்கு தோனுது கொடுந்தமிழ் இலக்கியம் இது ஒண்ணுதான் இப்போ கைவசம் இருக்கு

வாழ்க்கையை விட வழிமுறை நிறைந்த அருணகிரி பாக்களிடம் மனசு செலுத்துங்க - இந்த வயசுக்கு வெளிச்சம் கிடைக்கும் - முருகன் அருள் மிகும் “ 

என்றார்

"சரி கிளம்பறேன் சார், பாப்போம் , நானும் இந்த வாரம் திரும்ப ஒருமுறை வயலூர் வந்து இந்திரனை பாக்கறேன்" பெரிய ஆஸ்பத்திரி தாண்டி திரும்பியது பஸ் - அடுத்தது என் ஸ்டாப், படி நோக்கி நடக்கலாளேன்.

பஸ்ஸில் இருந்து இறங்கி நடக்கும் போது " தம்பி ரொம்ப நன்றி, மீண்டும் சந்திப்போம்" என்று குரல் கேட்டது - திரும்பி பார்த்தால் - அந்த சீட்டில் ஒரு பொக்கை வாய் கிழவன், என்னை பார்த்து சிரித்த வண்ணம் கையை காட்டினார் - மற்றொரு கையில் கோல் இருந்தது , . அப்போ அவர் எங்கே என்று தேடுவதற்குள் பஸ் வெகுதூரம் சென்று விட்டது

இன்னும் காத்து இருக்கிறேன், என்றாவது ஒரு நாள் சந்திப்போம் என்று